Plattküer Friedag – Dao is he wieer, ussen Plattküer-Friedag. De Suohn von mienen Schwaoger sienen Kuseng siene Dochter, de häww Post kriegen. Dao was een stuoken scharp Beld von em drin, schwatt-witt, aower man konn em guett kennen. Biäter äs wenn he muorns sölwes in’n Speigel kick. He wass wahne to schnell föhert. Dao wuor noch Toleranz afftrocken, am Enne wassen et 23 Stunnenkilometer üöwer de tolaotene Höchstgeschwindigkeit. Dat sall em nu 115 Euro kosten un eenen Punkt in Flensburg, – den gaww’t umsüss daoto.
He woll jetzt iärst äs Inspruck inreeken, sienen Advokat sall wull wat finnen, womett de Gerichte beschäftigt wäerd. He woll Blomen to siene Schwiegermoer brengen, de Kanarienvuogel was schwanger, off he brukere den Punkt üm Schalke vüör’n Affstieg te bewahren, dao sall et wull ne Gesetzeslücke giewen.
Men eenfack togestaohn, dat man wat maakt häww, wat nich richtig is un sick siener Verantwortung stellen, up den Gedanken kuemt de wenigsten.
Danke für Ihre Nachricht. Wir werden diese schnellst möglich bearbeiten.