Plattküer Friedag – Fahnenwiehe bi de Westumer, dat wull äöllste Gelaog in Detten. – Also de, well den äöllsten Naowies häbbt., Müeglick, datt in Aohlinnel, Hollingen off Austum off auk annerweggens all fröher Schüttenbeer fieert wuorn is, et is patt kinneene miähr dao, well daobie was un wat vertellen konn. De Westumer häbbt ne Küönigsplakette von 1713 un dat kann in’n Moment wull nich toppt wäern.
Fahnenwiehe is een wichtig Ritual bi de Schüttenbroers un in tüschkentiedt auk -süsters. De Fahne is dat Allerhilligste von dat Gelaog, se is alltiedt daobie, wenn fieert werd oder auk wenn’t to’n lesten Gang an’t Graww geiht. De Fahne werd druogen wenn mascheert werd un de Fähnriche sind alltiedt stolt up iöhr Amt. De Fahnen üöwerstaoht mehrere Generationen – un wenn se küern konnen, se harren ne Menge to vertellen, häbbt sicker mehr beliäwt es de Jungs un Wichter well ächterhiärlaupt.
Ick wünschk allen vull Plasseer un de Westumer, datt de niee Fahne in Tokunft ümmer denn richtigen Wegg wiest.
Danke für Ihre Nachricht. Wir werden diese schnellst möglich bearbeiten.