Plattküer Friedag – Vanaobend geiht et wieer los, dat Dettske Stadtfest „Emsdettener September“! Dao werd een lütt Beerfättken anstuoken – well Glück häww un naige dran steiht, de krigg auk en Glässken met. Un drümharüm ist dat kulinarisch Duorp upbaut. Dao giff’t Spezialitäten uut alle Herren Länder, alls, wat in Detten so vertriäden is. Is viellicht nich füör jedermanns Gaumen wat daobie – dann kann man ja to den naichsten gaohn – irgendwo finnt man sicker wat – eenfack äs uutprobeern. Un jüst dao ligg dat Problem – miästentiedt sind de Portionen so graut, datt man bi de iärste Hütte all satt is. Schöner was et doch, wenn man üöwerall blooß so’n bietken probeern konn und dann to den naichsten. So kam man auk met miähr Lüüde an’t küern – Män dao sall wull dat naichste Problem liggen: De miästen uutländschken Metbüörger küent kinn Platt verstaohn. – Aower bi Musik un Iäten, dao verstaoht se sick irgendwie dann doch alle. – Un genau dat giff’t vanaobend – viellicht seiht wi us ja.
Danke für Ihre Nachricht. Wir werden diese schnellst möglich bearbeiten.