Plattküer Friedag – Düsse Daage häbb ick in eenen Bidragg von „wat uuthecken“ schriëwen (H I E R) – aower wat hett dat eegentlicks „uuthecken“?
„Hecken“ is all siet Aollers hiär nen annern Uutdruck daofüör, wenn Vüegel öhre Nester in Wallhiëgen baut, Eier leggt un an bröden fangt. Dao passt de wahne guet drupp up, bess nieet Liäwen gerött, de Brut schlüpft un flügge werd. – Dann is wat „uutheckt“ wuorn.
Jüst so is dat, wenn eene ne guede Idee häww, üöwerleggt, wu dat wull to bewiärkstelligen is, – dann „heckt he wat uut“.
Dat sall aower nu nich heiten, dat, weil wi vondage wenniger Wallhiëgen häbbt, us auk de Ideen uutgaoht…
Maakt ju een kommodig Wiäkenenne!
Danke für Ihre Nachricht. Wir werden diese schnellst möglich bearbeiten.