Plattküer Friedag – Manks is dat Liäben doch wünnerlick – datt de Menschk een Gewohnheitsdier is, dat is ja bekannt. Bi Vüegel schinnt dat wull auk so to sien. Anners is dat nich to verklören, datt de kleinen Kreaturen met üör Feederkleed alle Jaohre wieer üm düsse Tiedt bi mi an’t Fenster sitten doht un harinkieken doht äs wollen se säggen „Et is sowiet, wat wöchst Du noch?“
Se will’t Körner hä’m. Sallt se ja auk krieegen.
Ick glaiw ja, datt de ne eegene WhatsApp-Gruppe häbbt un sick affküert.
Dao giwwt den Spatz off auk Sperling, dat is ümmer den grötsten Tropp, de kuemt miästentiedt me de ganze Familge. De Gimpel (Dompfaff) lött sick sien Iätten gärne äs Büffett updischken un wenn de Geitling anballert kümp, dann flügg all’s annere weg.
Dat Rotkehlchen is so’n luck schüchtern, de sitt up de Riängtunne un bekiek sick dat uut de Ferne un wenn de Luft rein is, dann hölt he sick auk so twee off drei Körnkes aff.
Danke für Ihre Nachricht. Wir werden diese schnellst möglich bearbeiten.