Plattküer Friedag – Et is ja nu all eene Wiäk in’t Land trocken, dat Jubiläum von de Duorpbuern, män ick wull’t fix säggen, wat ick dao biliäwen droff: Dao küert mi eene von de Jubelküönige an, he woll sick bi mi bedanken. „Jau, dat is ja nett, män wofüör? wat häbb ick maakt?“ Ick kannere den Kiärl nich patt he küere deftig Dettske Platt. „Se sind dat doch, well alltiedt in’t Internet den plattdütschken Detti schriww?“ – konn ick ja bloß bestätigen, wat soll ick dao auk drümharüm leigen. „Dat geföllt mi wahne guet, dat is ümmer schriewen, äs’t auk küert wäerd. Kien Platt met Bööker unner de Arms, wo allltiedt naokieken un korrigeert wett.“
Jau, so sall et auk sien, Küern äs de Schnabel wassen is un nu sägg ick danke, et freiht mi, datt et geföllt.
Danke für Ihre Nachricht. Wir werden diese schnellst möglich bearbeiten.