Freitag, 23. Juli 2021 Guten Morgen Emsdetten

0
142

Plattküer Friedag – Vondaage wäert de olympischen Spielle eröffnet. – Wiet wegg – so wiet, dat et us up de annere Siete all wieer verdächtig naige in de Mööte kümp. Tokyo, dat ligg in Japan, ferner Osten. Sinn ick noch nie wesst. Sall ick auk in dütt Liäben wull nich miähr kuemen, – hm… mienen äölsten Artgenossen, Jonathan hett de, de is 190 Jaohre aolt, is up de Seychellen in Huuse, dao konn ick et patt auk uthollen, sin ick auk noch nich wesst. Jonathan is so aolt, de harr Kaiser Wilhem sienen Vader sien konnt – also theoretischk. Inne Praxis …. aower dat is een anneret Thema
Wo ick auk noch nie wesst sin, dat is Erftstadt – dao is giestern all de diärde Tropp von de Dettske Füerwiähr hen föhert.
Wi will’t huopen, datt am Enne all’s wieer in de Riege kümp, – so ne Katastrophe magg ick mi nichäss vüörstellen. Un se häbbt noch nich alle Vermissten wieer funnen, dao fangt de Lüüde hier an diskuteern off man nich fröher harr warnen konnt.
Dao wassen doch Hinwiese noog dao, – jüst so äss hier up AllesDetten auk – de harren fast den sölwigen Inhalt – män hier in Detten is’t guet gaohn in Erftstadt nich, de Riängen har hier auk kuemen konnt, bietken wat was ja auk un in Rheine häbbt se’t harrer kriegen aower kineene häww siene Saaken packt un is een Stockwiärk högger trocken – wie müett’t us alle maol an de eegene Niese packen un nich ümmer faorts nen Schulligen sööken. De NINA-App häbbt män jüst 5 %. Man mot Warnungen auk Iärnst niemen.

Kommentieren Sie den Artikel

Bitte geben Sie Ihren Kommentar ein!
Bitte geben Sie hier Ihren Namen ein