Plattküer Friedag – „Von Tuuten un Blasen kinne Ahnung häm’n“ – dat bedütt siet Aollers hiär dat eene völlig inkompetent is. Nich inkontinent oder impotent, dat is wat anners. – Also wenn eene so recht gar nich wat up de Riege krich, wenn he nich äs in’t Horn blaosen konn, daovon kümp dat tatsächlick. Fröher gaww et noch Nachtwächter, well sobaold äs dat dunkel wuorn is, düör’t Duorp laupen sind. De mossen uppassen, wenn irgendwo Füer uutbruoken is oder wenn so lück twiefelhaft Gesindel in de Straoten harümlungern deih, well nix Guets im Sinn harren, dann moss he in sien Horn blaosen.
Nu kamm et faken vüör, datt de Nachtwächter auk äs de Augen tomaakt häww un induselt is. Wenn dann wat passeert is, häww he wull versocht, sick haruut to küern: „Ick was an’t annere Enne von’t Duorp, – ick kann ja nich üöwerall sien!“ Män dat helpede em nich, de Lüüde wassen sick ennig: „De häww von Tuuten un Blasen kinne Ahnung!“
Wat kennt ji noch so füör Spriekwöer, schickt mi äs wat, villicht ist dat ja wat füör naichste Wiäke…
Danke für Ihre Nachricht. Wir werden diese schnellst möglich bearbeiten.