Plattküer Friedag – In de lessten Wiäken un auk giestern wieer, was un is hier faken to liäsen, dat wisse Straoten sperrt sind, weil se ne niee Asphaltdecke kriegt, weil se Brüggen baut, weil se an’n Kanaol arbeiden müett’t off auk weil een Anwuohner an sien Huus wat to maaken häww.
Un jüst so faken äss ne Straote sperrt werd, jüst so faken sind auk Lüüde an’t meckern. Ick häbb sogar mancks den Indruck, de meckert faken miähr äs’t üäwerhaupt wat to meckern giww, – bloß dat se auk äs maol wat säggen küent.
Lüüde, dat sind Arbeiden well naarig sind. Wenn jue Moder in de Küerk an’t wischken is, dann is de auk füör de Tiedt, bes dat wieer drüüge is, sperrt, süss giff’t wat met’n Wischlappen üm de Aohren.
Also: alltiedt ruhig bliewen! Iärst mott dat Wiärks uprümt wäern un dann werd dat biätter – viellicht küent ji ja, wenn’t ferrig is, statt to meckern äs säggen: „Dat is gued wuorn!“
Danke für Ihre Nachricht. Wir werden diese schnellst möglich bearbeiten.