Vonlängst häbbt se een nieet Wuort kreeert: „scholzen“ – so sägg man, wenn een Bundeskanzler sick an nix miähr besinnen kann. Dao wet ut sienen Namen een Tu-Wort.
In Detten is dat bietken anners, dat hett, so vull eegentlicks auk nich: hier hett dat „de Büörgermester kellnert“ – aower dat is auk so ment, äs’t säggt is. Un he häfft daohn, giestern Aobend füör all de ehrenamtlick Tätigen in Detten un dat sind wahne viel, dat künn ih mi glaiwen. He häww sick een graut schwatt Liewken üm’n Ballig bunnen, dat he nich dreckig wett, siene Stellvertreterinnen un Stellvertreter un de beiden höchsten Biamten ut’t Raothues häbbt em holpen, et gonk fix debie. He was füör denn Salaot tostännig, dat stonn em äs grönen Politiker ja auk wull to.
Danke für Ihre Nachricht. Wir werden diese schnellst möglich bearbeiten.