Plattküer-Friedag – Villicht häbb ih’t all höert, ick sin nu auk iärstemaol impft wuorn. Giegen Corona, kaolle Fööte un all so Wiärks. Ick häbb kinne Nebenwirkungen hatt. Anners mienen Doktor, – he konn ja nich wieetten, datt man mi met ne Spritze nich to naige kummen draff.
Wu sall ick’t nu utdrücken? Ick häff em guet eenen metdaohn. Äs he dann wiier alleene upstaohn konn, dao is he dann afftrocken ohne wat te säggen.
Nu woll ick mi den twedden Termin hallen, dao sägg he, he harr kinn Tiedt. Ich häbb em fraogt „Wann?“ – He sagg „Ümmer!“
