Plattküer Friedag – Giestern to de beste Drinkenstiedt üm Klock Iälm häbbt de Sirenen hüült. Et was män tatsäcklick bloß een Hüülen ut wieter Ferne. Ick was extra buten, konn kaum wat höern un dat bietken lutt noch äs wenn se nen kleinen Rüen up sienen kuorten Stiärt triäten harren.
Ick sägg di, ussen Eierbuer was met so ne Träöte an sienen Wagen nich losföhert. – Un nu schuuwt se dat up den Wind, ät was ja wull rüüsig buten un de Wind mach wat wechweihet hämm‘, datt will ick garnich affstrieden.
Dann mott ick mi ja entschulligen, ick konn ja nich wietten, datt Katastrofen und Nautstand bloß bi guett Wiäder un Sunnenschien stattfinnen drüefft. Unner de Ümständen is de Test ja dann eegentlicks gans guett laupen.
Danke für Ihre Nachricht. Wir werden diese schnellst möglich bearbeiten.