Plattküer Friedag – Düwwel naomaol, wat häbb ick mi giestern Aobend düftig de Muule verbrannt!
Souzouki met Käse üöwerbacken, wi wassen bi’n Griechen in’t Naoberkiärspel Mesum – de Ölleren kennt dat viellicht noch unner Rheine 11. Et kamm wull direkt ut’n Uom – ick deih säggen so’n bietken Uom was noch met drin, so heet was dat. Et föhlt sick nu an, äs wenn an de Binnensiete von de Uutenwänne von’t Muul de Lappens harunner hangen doht, – wat affbrannt is un drupp wocht, dat se afffallen küent. Wenn man dann den ieskollen Uozo an de Wange hölt – drinken droff ick ja nich, moss ja noch föhern – dat süht auk wünnerlick uut. Wat bleew mi anners üöwer äs Mann to sien, Tränen wegdrücken un „Lecker!“ to säggen – ick weet aower nich, off dat to 100 % üöwertüügend klungen häff.
Maakt ju een kommodig Wiäkenenne!
Danke für Ihre Nachricht. Wir werden diese schnellst möglich bearbeiten.