Plattküer Friedag – Ick sin all ganz fickerig – muorn is doch wieer dat Konzert met denn Musikzug von de friewilligen Füerwiähr. Alle Jaohre kuort vüör Wiehnachten – also alle Jaohre ohne Corona. Ick kann mi noch besinnen, et is all ne iälke Jaohre hiär, dao häbbt de dat Lied von de Dänen, well nich leigen doht – off so ähnlick heddere dat – spiellt un plötzlick stonn eene von de Musikanten up, gong in’t Publikum wo sien Wichtken satt un dann gaff’t nen Hieraotsandrag un föhlte Hunnertdusend Lüde in de Halle wassen Tüüge.
Sietdem giff’t to Anfank erwartungsvulle Gesichter un am Enne konn man meinen, dat de eene off annere luck bedröppelt ut de Wöschke kick.
Will’t es kieken, wat muorn passeert – et sall noch Karten giewen, – dat Konzert duert so guede twee Stunnen… – off liäbenslänglick…
Danke für Ihre Nachricht. Wir werden diese schnellst möglich bearbeiten.