Plattküer Friedag – Ick was gieestern in’n nieen Anbau von’t August-Holländer-Museum, man kann üöwer so nen Glaskasten ja strieten. De eenen säggt „De Sümbiose (wat auk ümmer dat is) uut aolt un nie is wunnerbaor gelungen“, annere säggt „Wenn’t buuten nich riängt sall’t binnen auk wull drüüge sien“ – de küent met dat Bauwerk wat dao tüschken quettket is nich so wahne vull anfangen.
Füör dat Giäld, wat de Anbau kost häff, harr man wisse auk twee of drei Eenfamilgenhüser bauen konnt. Dao is män eenen grauten Ruum, hauge bess unnert Dack, dat kriggs in’n Winter siliäwe nich warm, weil dat naoh buom treck. Wenn in alle veer Ecken eene steiht, de küent sick giegensietig nich seihn. Küecke un Hüüsken sind so mettendrin baut, dao kanns bloß met’n Kopp wackeln.
Ick wünschk u vull Plasseer bi de Lange Nacht, bi de Füerwiähr, bi’t Jubiläum up n Teekotten, bi’t Pfarrfest in Hollingen, bi’t Familgenfest von’n Kolping… söökt u wat ut
Danke für Ihre Nachricht. Wir werden diese schnellst möglich bearbeiten.