Plattküer Friedag – Eenmaol in’t Jaohr werd up de Festplatte in’t Foto-Archiv uprüümt. Dat Summerlock is ne guede Geliägenheit, dao is Tiedt füör so Saaken.
Düttmaol was de Jaohrgang 2020 dran, dat iärste Corona-Jaohr. Un dao is mi een Beld upfallen:
Dat was noch to Beginn der Pandemie – dao wussen wi alle noch nich, wat up us tokümp. De sölwes neihten Masken sind up nen Saoterdag in’n April 2020 an fiev off sess Dischke rund üm den Morgentau-Brunnen verkaupt wuorn, de Lüüde häbbt Affstand hollen, wassen vüörsichtig. De Schlange gong ächten bess an de Müehlenstraote un up de annere Siete baol bes an de aolle Kiärk.
Wenn man dat vondaage so bekick, dat is gar nich to begriepen. Et häff lange duert, bis datt dat normale Liäwen us wieer in Beschlag nuohmen häff.
Et was kinne lichte Tiedt, Corona häff viël kaputt maakt – aower wi häbbt auk wat lährt un wat metnuohmen, Erfahrungen sammelt.
Aower nu mott ick wieder upprümen – süss wär ick vondage nich ferrig.
Danke für Ihre Nachricht. Wir werden diese schnellst möglich bearbeiten.