Plattküer Friedag – Schüttenbeer bi de Westumer Einigkeit – et was ja tüschkendüör wull mächtig an’t plästern aower later kamm dann doch noch de Sunne. Twee Küönige motten uutschuoten wäern. Vuogelküönig un Schiewe. Äs’t dann bie’n Vuogel nich so recht Aspiranten gaww, dao häww de niee Kaplaon von Pankratius sick erbarmt un häww twee Schuss maakt – un „Düwel naomaol“ (oops – dat draff ick bi em ja nich säggen) – de beiden Ladungen uut de Schrotflinte, de wassen gar nich schlecht.
Aower wat he dann säggt häww, dat häww noch vull biäter siäten: „Entweder schießen oder beichten!“ – Upp eenmaol klappede dat met de Aspiranten, häbbt sick giegen dat Bichten entschieden, un am Enne häbbt se dann doch twee niee Küönige funnen…
Vivat Schüttenbeer an alle, well düsse Dage noch fieert!
Danke für Ihre Nachricht. Wir werden diese schnellst möglich bearbeiten.