Plattküer-Friedag – All wieer eene Wiäk harüm, dat geiht manks so gauh, dao kanns nich äs ächterhiär kieken. Naichste Wiäke passeert hier wieer wat, – dat hett, up AllesDetten passeert ümmer wat – aower naichste Wiäke is wieer ne besonnere Aktion: De KGE stellt de Jubelprinzen von de Gelaoge in Detten vüör. Diärtig Jubilare sind dat – häbbt se mi säggt. De äöllste was vüör Siemsig (70!!!) Jaohre Prinz. Dat mott’m sick äs vüörstellen, to de Tiedt dao gaff’t noch kinn Handy – dao harren se noch nich äss normalet Telefon, Fernseh auk bloß wisse Lüüde. Ick sinn äs gespannt, well düssen 70-Jaohr-Prinz wull iss. Laot u äss üöwerraschken. Diensdag üm clock iälm (11 Uhr) to de närrischke Tiedt geiht dat loss – un dann jeden Dagg bis Saoterdag.
Bess daohen wünschk ick u een plasseerlick Wiäkenend.
