Plattküer Friedag – Giestern wass wieer Handball, ungewüehnlick up’n Dunnersdagaobend. DHB-Pokal, un usse Dettsken Jungs – willt wi äs so säggen: se häbbt sick wacker schlaon. 30:35 gong et am Enne uut, de Gäste uut Stuttgart häbbt wunnen. Aower de spieellt ja auk iärste Liga un usse män bloß in de diärden, – dao draff man all maol verlaisen.
Guet 1,760 Tokiekers wassen in de Iems-Halle un häbbt dat Dingen to’n Hexenkessel maakt. Respekt daofüör. Respekt auk an de Mannschaft, de häbbt wahne guet kämpft, häbbt den Gegner manchet maol füör graute Probleme stellt. So kann’t wieder gaohn, – nich in’n Pokal, dao sind se ja iärst äs druut, – aower wenn de in de Liga auk so spiellt…
ick will nix harupbeschwör’n, süss hett dat noch, ick har wat säggt…
Ick wünschk ju vondage nen schönen Fieerdag un dann een plasseerlick Wiäkenenne, – maakt wat druut.
Danke für Ihre Nachricht. Wir werden diese schnellst möglich bearbeiten.