Plattküer Friedag – Lange Tiedt häww ick drüöwer naodenken most, nich, wiel dat bi mi ümmer luck länger duert sonnern wiel dat met gesunnen Menschkenverstand bes nu füör mi nich te verklören was. Doch nu weet ick Bescheid: Miähl wet füör’t Struwen backen bruukt! De Lüüde häbbt alle een bietken miähr Hirnschmaolt inne Dachkammer äs icke. De wussen all vüör ne iälke Wiäken, datt wi ut Rußland kinnen Weiten miähr kriegt, daorut wett da Miähl ja mahlen, un so häbbt de sick guet daomet indeckt. Nu giff dat in de miästen Hüser von Karfriedag bes Fronlieknam Struwen, Struwen un naohmaol Struwen.
Ick sin bloß bange, bi de grauten Mengen Miähl, dat de Läppkes wahne drüüge wäerd.
Danke für Ihre Nachricht. Wir werden diese schnellst möglich bearbeiten.