Plattküer-Friedag – Moin Moin an alle Dettsken! …un well us uut Greipen lustert natürlick auk. – Kiärl naomaol, wat wassen dat giestern un vüörgiestern all hiärlicke Daage, et was reinewegg warm wenn man vüör de Düör gonk. Dicke Jacke wegg, Summer-Wämmsken antrocken. To’t buuten sitten sall’t vanaobend bi’n Stammdischk wull noch nich reeken, – aower de Wegg geiht daohen.
Schön, wenn’t wieer warm werd – aower laot’t us iährlick sin, so’n richtigen Winter, äs et hier fröher maol was, häbbt wi nicht hat. De lütte Schneedecke, well in Detten an Rausenmondagg füör fief off sess Stunnen de Straoten, Wieschken un Hüüser üöwertrocken häww, daofüör harren wi us fröher nich äs Handschken un Stiewel antrocken.
Klimawannel. – Eenen „warmen Winter“, dat konn ja villicht noch mienen Fründ wäern, män, datt de Summer so unnürsel heet werd, dat mäck mi nu al to schaffen…
Danke für Ihre Nachricht. Wir werden diese schnellst möglich bearbeiten.