Plattküer Friedag – Ih denkt sicker ick schriew vondaage üöwer Friedag den 13. – Nee, dat doh’k nich. Et is män een halw Jaohr hiär, villicht bietken länger, dao häbb ick mi ne niee Waoge kofft. Man mott ja wieten, wat man jeden Dag so an Gewicht düör de Giegend slieepen dött. Un wat sall ick säggen, – ick was reineweg stolt up mi – ick häff mien Gewicht von‘ iärsten Dag an hollen. „Dat sall mi es eene naomaaken“ häww ick so bi mi dacht.
Män, datt miene Buxen un Hiemden klenner wuorn sind in de Tiedt, dat konn ick nich so recht verstaohn. – Bes dat ick up de Waoge de Schutzfolie funnen häww, well ümmer dat sölwige Gewicht wiest häww.
Danke für Ihre Nachricht. Wir werden diese schnellst möglich bearbeiten.