Freitag, 06. Juni 2025 Guten Morgen Emsdetten

Plattküer Friedag – Naichste Wiäk is’t sowiet, dao werd in Detten nen dubbelten Triathlon startet. Ick häbb dat äs utriäkt, alleen de Strecke well de laupen doht, daofüör bruuk ick äs Schildkröte 1.055 Daage, dat sind fast drei Jaohre. – Ick deih säggen: laot us nich länger üöwer küern…
140 Helpers staoht naichste Wiäk an de Strecke, passt up, dat nix passeert un all’s richtig löpp. Giestern häbbt de sick alle üöhr T-Shirt in magenta affhalt. 140 Helpers un 19 von’t Orga-Team up eenen Knubbel, dat giff all mächtig ne Geräuschkulisse.
Un wat sall ick säggen – se sind alle heet, fiebert all up üöhren Insatz, küent et nich affwaochten. Jüst so äs ick nu mett dütt Wiäkenenne, – Pingsten, Schüttenbeer in Sinningen. Vivat up de nieen Küönige!