Plattküer Friedag – Giestern was Sitzung von denn Utschuss füör Infrastruktur, de beküert allet, wat met Straoten un Wiäge un Bauen te dohn häff. Ick was auk dao, fast fiev Stunnen häbbt de tagt. In de Tiedt konn man auk tweemaol de Marathon-Strecke laupen, – also icke nich, aower de, well’t küent, de schafft dat.
Nu wet de Park von Deipings Hoff ja trechte maakt. Denn iärsten Deel is ja all ferrig aower et mott ja noch wieder gaohn. In de iärsten Planungen was vüörseihn, datt de Konzertmuschel weg soll, watt in miene Augen nen grauten Fehler is. Un dat häff nu auk dat Planungsbüro säggt: „De Muschel mott bliewen!“ natürlick häww he dat in Hauchdütschk säggt aower den Message, wu dat vondage up noch höggeret Hauchdütschk hett, was de sölwige.
Wi will’t äs affwaochten, wat drut wett.
Danke für Ihre Nachricht. Wir werden diese schnellst möglich bearbeiten.