Freitag, 20. Juni 2025 Guten Morgen Emsdetten

Plattküer Friedag – Vondage giww’t ne Menge – also nich lange drümharüm küern:

• giestern was Fronlieknam, – fröher gaww’t noch in jede Kiärke in Detten ne Prossion un kuort nao Fronlieknam gaww et de Stadtprossion, wecke up een aolt Gelübde trügge geiht. In Detten was maol ne Füersbrunst, guet 300, baol 400 Jaohre is dat nu all hiär, dao sind ne iälke Hüüser affbrannt, dao häbbt de Lüüde een Gelübde affleggt, jedet Jaohr to de Tiedt eene Prossion afftohollen to’n Dank, dat nich miähr passeert is un üm de Hüüse to siäng, datt nich wieer so een Unglück passeert. Dat was mähre Jaohrhunnerte so Bruuk. Düsse Prossion is 2019 tesammenleggt met de Fronlieknamsprossion. Et wassen ja giestern ne iälke Lüüde met, aower wenn man bedenkt, dat vüör 20 Jaohre noch jede enzelne Kiärke in Detten so ne graute Prossion harr und de Stadtprossion kuort drupp was, dann is dat bedenklick.
• De Früünde von’n Plattdütschken Stammdischk müett’t nu tapfer sien. – Vanaobend is de lesste Stammdischk… in’t Fröhjaohr, denn muorn is Summeranfank! Somet giww et nen Grund, extra eenen to drinken.
• gliek tweemaol was giestern un is vondaage Schüttenbeer in Detten un eenmaol in Reckenfeld. In Hembiärgen is nen ehemaligen Stadtprinz Küönig wuorn, – ich häww so’n bietken Angst, datt Schüttenbeer nu de naichsten twee Jaohre uutföllt…
• Ick harr noch miähr Saaken to beküern, aower et is all wieer dubbelt so lang wuorn äs mi eegentlicks an Platz tosteiht…