Plattküer Friedag – Lüüde wat freih ick mi nen Knubbel in’n Buuk up dütt Wiäkenenne! Saoterdag breng ick mien Fietse to de Messdeiners von Pankratius, dao wett dat äs wieer maol so richtig rien maakt. Un Sundag, is dat Dingen so an’t glänzen un inne Sunne an’t blinken, datt ick mie gar nich met mien Ääs druppsetten mach, ick doh’t aower trotzdem. Sunndag wet de Fahrradsaison inlüüt’t, de so nannte „Dettske 8“. Dao kann man ne Schliepe düör Hollingen/Reckenfeld off Sienningen/Saorbiek föhern – off auk bloß in eene Richtung – jedereen so äs he dat mach. Well nich uppäss un viärkährt affbögg, de kann auk noch Westum off Hembiärgen kennenläern-
Un naichste Wiärk is Maidag, dao geiht dat wieder. Will’t huopen, datt de Hiärgott us gnädig is un us dat beste Wiär beschert.
Ick wünschk u allbieneen een plasseerlick Wiäkenenne un ne kommodige kuorte Wiärk!
Danke für Ihre Nachricht. Wir werden diese schnellst möglich bearbeiten.