Plattküer Friedag – Giestern häbbt se dat aolle, historische Füerwiähr-Auto von 1938 to de Wagenbauschoppe von de KGE bracht. Et was män so jüst, datt et passte.
De Wagen met de Ledder drupp, de wass wahrhaftig in Amt un Würden to siene Tiedt, häff Insätze föhert. Met Blaulicht drupp, dat dreihede sick patt so langsam, ick glaiw ick harr in de sölwige Tiedt üm’t Auto harümlaupen konnt.
Un dat Horn, dat lütt äs de Füerwiähr up Kiärms in’t Kinner-Scheesken. To hörn was dat auk bloß, wenn de Motor nich an’t laupen wass.
Wenn de Ledderwagen 1938 giegen den Ledderwagen 2024 steiht, dann kanns wull kennen, wu sick de Tiedet wiederentwickelt häff.
Danke für Ihre Nachricht. Wir werden diese schnellst möglich bearbeiten.