Plattküer Friedag – All wieer ne Wiäke harüm. Wisse, man kann deelter Meinung sien un man mott dat Denken von de annern akzepteern, manks kann ick et aower nich verstaohn. Üöwer Dettens Innenstadt, dao wett faken schimpet. „De is kaputt“, sägg eener un nen annern frögg: „Wo is de dann beliäwt?“. Ick häbb aower auk faken noog von Utwiärtige hört: „Wat häbb ji dat hier schön!“
Viellicht sind de Dettsken eenfack bloß n bietken verwüehnt. Nich ümmer bloß meckern, – auk maol säggen wat geföllt. Un wenn man patu nix find, wat geföllt, dann sölwes wat maaken!
In’t Internet kaupen un dann wünnern, datt sick in de Innenstadt de Geschäfte nich holt, dat päss nich bineene.
Danke für Ihre Nachricht. Wir werden diese schnellst möglich bearbeiten.