Plattküer-Friedag – und vondage sogar met Küeraobend. De Lüüde von’n Verkehrsverein, Stroetmanns Fabrik un Hiemaotbund häbbt sick wieer wat infallen laoten. Tosammen met den Stammdischk „Dettske Platt“ kuemt se vanaobend üm Klock Sess an’t Backhues up Deipings Hoff (Hof Deitmar) tesammen. Hier sall Platt küert wär’n. Well sick dao noch n bietken schwaor met dött, kinn Problem, de kann auk iärst tolustern. – Dat Küern kümp dann irgendwann von sölwes.
De Lüüde von Stroetmanns Fabrik häbbt toseggt, dat dat Biermobil praot steiht, et giff somet auk ’n Püllken Beer, Water off Sprudel.
Wenn’t äs riägnt, dann gaoht de in’n Lichthof von Stroetmanns Fabrik. Wenn’t schniet, dann sall’t wull to laat sien, dann häbb ih den Termin üm een halwet Jaohr verpennt.
Danke für Ihre Nachricht. Wir werden diese schnellst möglich bearbeiten.