Plattküer Friedag – Glücksiälig Niejaohr allbineene. Ji sind wisse alle guet harin kuemen, – an Schlaop was ja nich to denken, denn hehlen Aobend was’t ne Ballerie, – ick glaiw, dat kamm mi vüör, dat was miähr äs de lessten drei Jaohre tosammen.
Mi wünnert bloß, wo plötzlick dat ganze Giäld wegkümp? Üöwert Jaohr sind se alle an’t schimpen, datt all’s düerer werd un man sick nich äs miähr een Beer in de Wiärtschopp leisten konn un an Silvester, dao schmiet’t se dat Giäld düört Fenster harut un holt vüörhiär noch dat Füertüüg dran.
Dann kann et ja so leige noch nich sien.
Ick wünschk ju füör 2026, datt ji von allem wat ji bruukt ümmer jüst so vull häbbt, datt et noog is un ji guet von liäben küent: Gesundheit, Glück, alltiedt tofriär sien – un am Enne auk dat Giäld, wat naarig is, datt man sick auk maol wat gönnen kann – aower nich to’t haruutschmieten un ansticken…
Recht häs du.
Danke für Ihre Nachricht. Wir werden diese schnellst möglich bearbeiten.