Plattküer Friedag – Nu wärd ja faken säggt, Westfaolen, dat is een stur Volk. Män dat is nich so, – naja, – viellicht manks… Vondaage is de diärde Friedag in’n Monnat – Termin füör’n plattdüütschken Stammdischk. Nu häww de Wärt aower ankünnigt, in de Wiäk nao Karneval häff he sien Lokal schluoten, affschmücken, uprüümen, Giäld tellen, wat alle so anföllt. Dao kam de Diskussion up „Stammdischk uutfallen laoten?“ Up gar kienen Fall! Sowat draff man nich inreiten laoten. Nu wollen de Kiärls up den Termin bliewen, man konn ja äs eenmaol dat Lokal wesseln. De Fraulüüde was’n füör verschuuwen – eene Wiäk later.
Dat Enne von’t Leed? De Fraulüüde häbbt wunnen – de Stammdischk werd verschuowen up naichste Wiäk. Aower de Mannslüüde dreppt sick vanaobend up den üörntlicken Termin to een uuterüörntlicken Stammdischk in eene annere Wärtschupp. Somet häbbt de Kiärls düssen Monnat tweemaol Stammdischk…
Danke für Ihre Nachricht. Wir werden diese schnellst möglich bearbeiten.