Plattküer Friedag – Moin Lüüde – sin ih all wacke? Dösige Fraoge eegentlicks, süss konn ih düt ja nich liäsen. Wat häbbt wi ne verrückte Tiedt, – üöwer twee Jaohr nu all Corona, dat Düwwels-Virus. Will’t es vüörsichtig formuleern: Et schinnt, dat et an’t affklingen is. Un jüst dann fankt de Russen in de Ukraine an’t scheiten un Bomben schmieten. Viellicht dött us so ne Bremse ja maol ganz guett. Wi gaoht nu up de Kar-Wiäk to, dat is ümmer de Tiedt in’t Jaohr wo man maol an’t Naodenken kümp. Ne besinnlicke Tiedt wünsch ick ju – bess naichsten Friedag – kuort vüör’t Struwen iäten.
